Plantun de Prouvènço

Pèr coumpara dos planto d'encò nostre

Thapsia villosa & Potamogeton pusillus

Thapsia villosa

Apiaceae Umbelliferae

Nom en français : Thapsie.

Descripcioun :
L'erbo-à-nòu-camiso trachis dins li relarg roucaious sènso aubre. Si fueio soun pelouso sus li dos faço, 2 à 3 cop divisado e penado emé li darrié tros pulèu óuvalo. D'aquéli d'en aut, soubro pu que la guèno espesso. Lis brout de flour jauno an de 12 à 30 rai sènso bratèio e li fru soun ala e porton ges de péu.

Usanço :
La rusco de racino de sa cousino, Thapsia garganica, que trachis à l'entour de la Mar, es emplegado pèr sougna li mourdeduro de bèsti. Se fai peréu un emplastre. Sèmblo que l'erbo-à-nòu-camiso èi quàsi tant vertuouso, èi peréu di proun purgativo.

Port : Grando erbo
Taio : (0,3)0,5 à 1(2) m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Thapsia
Famiho : Apiaceae
Famiho classico : Umbelliferae

Coulour de la flour : Jauno
Petalo : 5
Ø (o loungour) enflourejado : 4 à 6 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Tepiero seco - Cresten
Estànci : Mesoumediterran
Couroulougi : Estenoumediterrano
Ref. sc. : Thapsia villosa L., 1753

Espigo-d'aigo(-primo)

Potamogeton pusillus

Potamogetonaceae

Autre noum : Poutamot.

Noms en français : Potamot de Palerme, Potamot fluet.

Descripcioun :
Aquesto espigo-d'aigo s'atrobo dins li canau e li mueio mens o mai salado. Fai partido dóu group de poutamot qu'an de fueio longo e primo. Aquéu se recounèis bonodi si guèno d'estipulo que soun pas duberto en plen, e que reston de tèms contro la cambo (mounte i'a ges de ramo que parton) sènso s'escarta.

Usanço :
D'ùnis espigo-d'aigo sarien manjadisso en Asìo.